තරුවක් කියන්නේ ගිනි ගන්න වස්තුවක්... අදහස :- කොල්ලා , at 11:18, in

අපි හරි දුප්පත්. මං ඒක හොඳටම දැනගෙන හිටියා. ඉස්කෝලෙ යන කාලේ නංගිගෙයි මගෙයි ඕනෑ එපාකම් පිරිමහන්න තාත්තා වින්ද දුක මට තාම මතකයි. මම උසස් පෙළ කරලා ගෙදර ඉන්න කාලේ තමයි ජනප්‍රිය ගායන තරු තරගෙකට අපේ නංගි ඇප්ලිකේෂන් එකක් දැම්මේ. සිංදු කියන්නත් පුලුවන් මටම තේරුන නිසා මං කොළඹට ආවා. තරගෙට හිටියා. පළමු වටයෙන් දෙවනි වටයට,දෙවනි වටයෙන් තුන්වෙනි වටයට ඔහොම ඔහොම ටික ටික ඉදිරියට ආවා. ර්‍ර්ට කලින් බලු බල්ලෙක් ගනන් නොගත්ත මාව ගමේ හැමෝම ආදරයෙන් පිලිගත්තා. අන්තිම 4,5දෙනා වෙනකනුත් ආව මම ලංකාවේ තරුවක්. ගිය මාසේ මාව ගමට ආදර්ශයක් කියලා පිළිගන්න දහම් පාසලේ ලොකු උත්සවයකුත් තිබුණා.මං ඒකට ගිහින් අනුන්ගේ සිංදුවකුත් මහ හයියෙන් කියලා වීරයෙක් උනා. ර්‍ර්ට අවුරුදු 4,5කට කලින් ඒ දහම් පාසලින් මාව පිටමං කෙරුනා මගේ හැසිරිම හොඳ නෑ කියලා. කොහොම කොහොම හරි ගමේ හැම පාරක් ගානෙම,හංදියක් හංදියක් ගානෙම මගේ පින්තූර තියෙන Banner කටවුට් වැදුණා. මිනිස්සු මගේ පස්සෙන් වැටුණා.

ජීවිතේ ඔහොම ටික ටික ගෙවිල යද්දි අන්තිම තරඟෙට වෙනකම් ආපු මම සුපිරි තරුවක් ලෙස කිරුළ පැළඳුවා.මට,තාත්තට අම්මට,නංගිට දැනුන සතුට මේ යැයි කියන්න බැහැ. පාරක තොටක වෙනදා නිදහසේ ගිය මට ර්‍ර්ට පස්සේ එහෙම යන්න බැරි උනා. Bus එකේ ගියොත් දාහක් දෙනා මාව බලනවා. ඉතින් මේක මගේ තත්වෙට හොඳ මදි. ඒ නිසා මට වාහනයක් ඕන උනා. ඒ කාලේ හොඳට ප්‍රසංග තිබුනා.මං තව සේනාවකුත් එක්ක මැද පෙරදිග සංචාරයකුත් ගියා. කාර් 1ක් ගන්න තරම් සල්ලි තිබුනේ නෑ. ඒ නිසා ලීස් කරලා වාහනයකුත් ගත්තා. මාසෙට බර ගානක් ගෙවන්න ඕනෙ. මුල් කාලයේ නම් අවුලක් උනේ නෑ. එක දිගට සංදර්ශන 5ක් 6ක් ලෑබුණා. සංදර්ශන වලට ගියහම ලැබෙන ප්‍රතිචාර නිසා මගෙත් ටිකක් ඔලුව ඉදිමුණා. අනුන්ගේ කියලා මෙහෙම ප්‍රසිද්ධ වෙනවා නම් මගේම සිංදු කිව්වොත් කොහොම හිටීවීද. මට එහෙම හිතුණා.

මං මගේම ගීත album 1ක් කලා. නමුත් විකිණුනේ නැහැ. සිංදු ජනප්‍රිය උනෙත් නෑ. ඔහොම යද්දී අවුරුදු 2ක් ගියා. හැම අවුරුද්දකම තරු තරඟ හරහා සුපිරි තරු බිහි වුනා. අපි අවලංගු කාසි උනා. වාහනේ ලීස් 1ක ගෙවන්න බැරි වුනා. ඉඩ කඩම් උකස් කළා. හැමදේම වැරදි පැත්තට හැරුනා. තාමත් මිනිස්සු මාව දැක්කම නම කියලා කතා කරනවා. පුදුමෙන් මං දිහා බලනවා. ඒකෙන් ආඩම්බර වෙන්න පුලුවන්ද බැරිද කියලා මං දන්නෙ නෑ.ඒත් මට දැන් තේරෙන්නේ එක දෙයයි. අපිට පුලුවන් කාලේ ලෝකෙම අපිව විකුණගෙන කෑවා. අපිට අපිව විකුණ ගන්න උවමනාව එන වෙලාවට අපේ market 1ක නෑ. ඇත්ත කතාව ඒකයි. අදටත් මට හිතෙනවා ගමට වෙලා අනිත් කොල්ලො වගේ පුංචි රස්සාවක් හොයාගෙන සැහැල්ලු ජීවිතයක් ගෙවන්න තිබ්බා නම් හොඳයි කීයලා. ඒත් මට ආයෙත් හැරෙන්න බෑ. දැන් මට හිතෙන්නේ මෙච්චරයි. හැම තරුවක්ම ඇවිලෙනවා. ගිනි ගන්නවා. ඒවා පාට පාටින් දිලිසෙනවා කියලා පොළවෙ ඉන්න අය විශ්වාස කරනවා.

- සමන් එදිරිමුනි